پاکستان کی نئِ مادر ملت

بدقسمت پاکستانیو مبارک ہو۔ محترمہ فاطمہ جناح کی وفات کے بعد ہم قوم کی ماں سے محروم ہو گئے تھے اور اس محرومی نے ہمارے لئے زندگی کو بہت دشوار کر دیا تھا مگر پھر قسمت نے یاوری کی اور دختر مشرق نے راولپنڈی کے لیاقت باغ میں اپنی جان کا نذرانہ پیش کر کے پاکستان کے لئے ایک ‘نئِ مادر ملت’ تخلیق کر دی جس کی وجہ سے آج پورا پاکستان {آپ پقیناً جانتے ہوں گے کہ اس پاکستان سے میرا کیا مطلب ہے۔ جی ہاںں وہی پاکستان جو مشرف کا ‘سب سے پہلے’ تھا اور آصف زرداری کا ‘سب سے آخری’ ہے } رنگین ہے کم از کم ہورڈنگز اور اخبارات تک تو ہے ہی۔ بہرحال ہمارے محکمہ ڈاک کے توسط سے آج ایک ‘نئی مادر ملت’ تخلیق پا چکی ہے جو ظاہر ہے کچھ عرصہ تک ‘دختر ملت’ رہے گی مگر پھر ہماری ضرورت کو سمجھتے ہوئے خود ہے مادر ملت کے سنگھاسن پر براجمان ہو جائے گی۔ پرویز مشرف نے تو بدبخت پاکستانیوں کی خون پسینے کی کمائی سے اپنے بیٹے کے لئَ ایک ائیر لائن اوراربوں روپوں کے اثاثہ جات کی حامل سرمایہ کار کمپنی ہی تخلیق کی تھی مگر زرداری تو اسی خرچے پر مادر ملت تخلیق کرنے پر تل گیا ہے